Flash News
वार्ड १०
पर्यटकीय नगर थाहा नगरपालिकाको वडा नं. १० साबिक चित्लाङ्ग गाउँ विकास समितिको वडा नं. ६, ७ र ९ मिलेर बनेको छ । यहाँको जनसंख्या जम्मा ४०८३ रहेको छ जसमा महिला २१४० र पुरुष १९४३ छन् । यस वडाको मुख्य पर्यटकीय क्षेत्रहरु भेडाफाराम,अंशुबर्मा शिलालेख,चम्पाकेश्वर मन्दिर र सितापाईला रहेका छन् । यो वडामा नेवार, बाहुन, क्षेत्री, दलित, मगर र तामाङ्ग जातीहरुको बसोबास रहेको छ भने यहाँ नेवार जातिको बाहुल्यता रहेको छ । यस वडाबासीको मुख्य आय श्रोत कृषि रहेको छ । यस वडा १५०० मीटर देखि १८५० मीटरको उचाईसम्म फैलिएको छ । यस वडामा सामुदायिक बिद्यालयहरु मध्ये निमावि १ वटा,उच्च मावि १ वटा रहेको छ ।
यस वडाको मुख्य मन्दिरहरुमा श्री चम्पाकेश्वर, गोरखनाथ, नाटेश्वर, महाचुनी, गणेश, कृष्ण, भगवती र बुद्ध रहेका छन् । यस वडामा जम्मा ९ वटा कृषक समुह, २ वटा सहकारी र २ वटा कृषि फर्महरु रहेका छन् । यस वडामा १ वटा होमस्टे रहेका छन् । यस वडामा १ शहरी स्वास्थ्य केन्द्र र २ वटा खोप केन्द्र रहेका छन् ।
यस वडाको वडास्तरीय सडक कँलाटु सडक हो भने सहायक सडकहरुमा टौखेल सडक, न्हुलगाउँ सडक, सोसिन्डोल देखि लामिडाँडा सडक, कमेरी देखि सितापाईला भाञ्याङ्ग सडक पर्दछन् । यस वडा त्रिभुवन राजपथबाट ८ कि.मी.टाढा रहेको छ ।
आपतकालिन फोन नम्बरहरु
थाहानगरको पर्यटकीय क्षेत्र घुमफिर र बसोबासका लागि:
